სინუსური პაუზა (sinus arrest)

კლინიკური გამოვლინება

• ეკგ-ზე ფიქსირდება სინუსური პაუზა, რომლის ხანგრძლივობა არ არის ბაზისური PP ინტერვალის ჯერადი.

• კლინიკურად შეიძლება იყოს ასიმპტომური ან გამოვლინდეს სინკოპეთი, პრესინკოპეთი, უჰაერობით.

• სიმპტომების შემთხვევაში ეწოდება სინუსის კვანძის სისუსტის სინდრომი, რომელიც აგრეთვე მოიცავს სინოატრიალურ ბლოკადებს და მკვეთრ სინუსურ ბრადიკარდიას. შესაძლებელია შერწყმული იყოს წინაგულოვან ტაქიარითმიებთანაც (ტაქი-ბრადი სინდრომი)

სიძნელეები

• ინტრაკარდიული ჩანაწერის გარეშე შეუძლებელია მისი გარჩევა მესამე ხარისხის სინოატრიალური ბლოკადისგან.

• არასპეციფიური კლინიკური სიმპტომების და ეკგ-ზე გარდამავალი ხანმოკლე ცვლილებების შემთხვევაში მიზეზ-შედეგობრივი კავშირის დადგენა შეიძლება რთული იყოს.

დიფერენციული დიაგნოსტიკა

• მეორე და მესამე ხარისხის სინოატრიალური ბლოკადა: პაუზებია ხანგრძლივობა ბაზისური PP ინტერვალის ჯერადია.

მკურნალობა

მკურნალობა მხოლოდ სიმპტომურ შემთხვევებშია საჭირო.

• მწვავე მკურნალობა: ასისტოლიის რისკის არსებობის შემთხვევაში დროებითი კარდიოსტიმულაცია, ატროპინი, იზოპროტერენოლი.

• გრძელვადიანი მკურნალობა: სიმპტომურ პაციენტებში  ან 3 წმ-ზე მეტი ხანგრძლივობის პაუზების შემთხვევაში მუდმივი პეისმეიკერის იმპლანტაცია.