წინაგულოვანი ტაქიკარდია

კლინიკური გამოვლინება

  • კარგად გამოხატული P კბილები, როგორც წესი განსხვავებული სინუსურისგან, სიხშირით 100-240/წთ

  •  პარკუჭებისკენ გატარება ვარიაბელურია (1:1, 2:1, 3:1 და ა.შ. ავ-კვანძისფუნქციური მდგომარეობის შესაბამისად)


სიძნელეები

  • QRS კომპლექსი შეიძლება ფართო იყოს ჰისის კონის რომელიმე ფეხის სიხშირე-დამოკიდებული ან ადრე არსებული ბლოკადის შემთხვევაში.

  •  როდესაც ტაქიკარდიის ფოკუსი ახლოს არის სინუსურ კვანძთან, P კბილის მორფოლოგია შეიძლება სინუსურის მსგავსი იყოს (როგორც სინუსური ტაქიკარდიის ან სინოაურიკულური რიენტრის დროს)

  •  ზოგ შემთხვევაში ბლოკირებული P კბილები შეიძლება QRS კომპლექსებში იყოს ჩაფლული, რაც აძნელებს ტაქიკარდიის ზუსტ დიაგნოსტიკას.


დიფერენციული დიაგნოსტიკა

წინაგულოვანი ტაქიკარდია ცნობილია, როგორც ”დიდი სიმულანტი”, რადგან კარდიოგრაფიულად ხშირად წააგავს სხვა სუპრავენტრიკულურ ტაქიკარდიებს. დიაგნოსტიკისთვის მნიშვნელოვანია, რომ ავ-ბლოკადის გამოწვევისას (ვაგუსური მანევრებით, წამლებით) ტაქიკარდია გრძელდება არასინუსური P კბილებით.

  •  სინუსური ტაქიკარდია: წინაგულოვანი ტაქიკარდიის დროს P კბილების მორფოლოგია როგორც წესი, განსხვავებულია სინუსურისგან და ხშირად უფრო მაღალი სიხშირით მიდის.

  •  პაროქსიზმული სუპრავენტრიკულური ტაქიკარდიები: გრძელი PR ინტერვალის შემთხვევაში, როდესაც P კბილი წინა QRS კომპლექსშია ჩაფლული, კაროტიდული სინუსის მასაჟს ან ავ-მაბლოკირებელ წამლებს შეუძლიათ გამოიწვიონ ხანმოკლე ავ-ბლოკადა და კარგად გამოაჩინონ P კბილები. აღსანიშნავია, რომ როგორც წესი, ტაქიკარდია არ წყდება ავ-ბლოკადით.

  •  წინაგულთა თრთოლვა: დიფერენციული დიაგნოზი ემყარება წინაგულოვანი კბილების სიხშირეს და მორფოლოგიას (ხერხისებრი ტალღები და იზოელექტრული ხაზის არარსებობა თრთოლვის დროს)


მკურნალობა

  • შეტევის კუპირება:

    • IC ჯგუფის ანტიარითმული წამლები (ფლეკაინიდი, პროპაფენონი) სტრუქტურული კარდიოპათიის არარსებობის შემთხვევაში

    • III ჯგუფის ანტიარითმული წამლები (ამიოდარონი, სოტალოლი) სტრუქტურული კარდიოპათიის ან IC ჯგუფის წამლების უკუჩვენების შემთხვევაში

    • ბეტა-ბლოკერები და კალციუმის ანტაგონისტები პარკუჭების სიხშირის კონტროლის მიზნით ზემოთჩამოთვლილი წამლების უეფექტობის შემთხვევაში (ზოგ შემთხვევაში შეუძლიათ ტაქიკარდიის კუპირებაც)

  •  რეციდივების პრევენცია:

    •  იგივე წამლები, რაც ტაქიკარდიის კუპირებისთვის

    •  ტაქიკარდიის ფოკუსის კათატერული აბლაცია


ქვემოთ მოცემულია წინაგულოვანი ტაქიკარდიის ეკგ და მკურნალობის ალგორითმი

 
 

©2018 by Giorgi Papiashvili. Proudly created with Wix.com