მეორე ხარისხის AV-ბლოკადა Mobitz II ტიპის

კლინიკური გამოვლინება

• დაბლოკილი P კბილის წინ PR ინტერვალის პროგრესული გახანგრძლივება არ ხდება.

• ბლოკადა შეიძლება გარდამავალი იყოს. უფრო ხშირად 3:2 (3-დან 2 P კბილი ტარდება) ან 4:3 შეფარდებით მიმდინარეობს.

• იმის გამო, რომ ძირითადად დარღვევა ჰის-პურკინიეს სისტემაშია ლოკალიზებული, ხშირია ბლოკადის პროგრესირება სრულ ავ-ბლოკადამდე (განსაკუთრებით მოსალოდნელია, თუ ჰისის კონის რომელიმე ფეხის ბლოკადაც ახლავს).

სიძნელეები

• ბლოკადის შექცევადი (ანტიარითმული წამლები, მწვავე იშემია, მიოკარდიტი, ჰიპერკალემია) და შეუქცევადი (სარკოიდოზი, ამილოიდოზი, კარდიომიოპათია, სარქვლის კალციფიკაცია, გამტარი სისტემის დეგენერაციული დაავადება) მიზეზების დიფერენცირება.

• ზოგჯერ შეიძლება სპორტსმენებში შეგვხვდეს და გამოიხატოს იშვიათი, თითო კომპლექსის დაბლოკვით ღამის საათებში, რაც კლინიკურად მნიშნელოვანი არ არის.

დიფერენციული დიაგნოსტიკა

• ბლოკირებული წინაგულოვანი ექსტრასისტოლია

• მნიშვნელოვანია დადგინდეს, ბლოკადა კვანძოვანია თუ ინფრანოდალური. პაციენტის ასაკს, კლინიკურ სურათს და QRS კომპლექსების სიფართეს შეუძლია დაგვეხმაროს ამის დადგენაში.

მკურნალობა

• მწვავე მკურნალობა: ძირითადად გამომწვევი მიზეზების კორექცია. თუ საჭიროა (მკვეთრი, სიმპტომური ბრადიკარდიის დროს), დროებითი კარდიოსტიმულატორის იმპლანტაცია და იზოპროტერენოლი 1-4 მგ/წთ ივ.

• ქრონიკულ შემთხვევებში: სიმპტომურ პაციენტებში და ინფრაჰისური დარღვევის დროს ასიმპტომურ პაციენტებშიც საჭიროა მუდმივი პეისმეიკერის იმპლანტაცია.