AV-შენაერთის პერმანენტული რეციპროკული ტაქიკარდია (კუმელის ტიპის ტაქიკარდია; PJRT)

კლინიკური გამოვლინება

  • ეკგ-ზე რეგულარული ვიწროკომპლექსიანი ტაქიკარდია და კარგად შესამჩნევი P კბილები, როლებიც მდებარეობენ QRS კომპლექსის გარეთ და RP ინტერვალი > PR ინტერვალზე. როგორც წესი, P კბილები უარყოფითია II, III და aVF განხრებში.

  • კლინიკურად მიმდინარეობენ უწყვეტი (incessant) ტაქიკარდიის სახით, რომელსაც ხშირად პაციენტი ვერც გრძნობს, ვიდრე ტაქიკარდია-დამოკიდებული მიოპათიის სიმპტომები არ ჩნდება.

  • ეს ტაქიკარდია ორთოდრომული ტაქიკარდიის განსაკუთრებული სახეა, რომელიც განპირობებულია ნელა გამტარი ფარული დამატებითი გზის არსებობით უხშირესად პოსტეროსეპტალურ მიდამოში.


სიძნელეები

  • მთავარი სიძნელე დიფერენციული დიაგნოსტიკაა (იხ. ქვემოთ).


დიფერენციული დიაგნოსტიკა

  • წინაგულოვანი ტაქიკარდია წინაგულთაშუა ძგიდის ქვედა ნაწილიდან: კაროტიდული სინუსის მასაჟით ან ავ-მაბლოკირებელი წამლებით თუ მივიღებთ ავ-ბლოკს, რომელიც არ წყვეტს ტაქიკარდიას, გამოირიცხება კუმელის ტიპის ტაქიკარდია.

  • ატიპიური ავ-კვანძოვანი რიენტრი: ამ ტაქიკარდიას ასევე ახასიათებს RP > PR და ეკგ თითქმის იდენტურია კუმელის ტიპის ტაქიკარდიისა. თუმცა კუმელის ტიპის ტაქიკარდიისგან განსხვავებით მას, როგორც წესი, უფრო მაღალი სიხშირე და პაროქსიზმული მიმდინარეობა ახასიათებს.  ზუსტი დიფერენციუი დიაგნოსტიკა მხოლოდ ელექტროფიზიოლოგიური კვლევითაა შესაძლებელი.

  • ქვედა წინაგულოვანი რიტმი (ე.წ. კორონარული სინუსის რიტმი): ეს როგორც წესი პასიური, ჩანაცვლებითი რიტმია, რომელიც სინუსური რიტმის დაბალი სიხშირის დროს შეიძლება გაჩნდეს, თუმცა P კბილების მორფოლოგია მსგავსია კუმელის ტიპის ტაქიკარდიისა (უარყოფითი P კბილები ქვედა განხრებში). ამ რიტმის დროს სიხშირე 100-ზე ნაკლებია და სინუსური რიტმის სიხშირის გაზრდისას ეს რიტმი ქრება.


მკურნალობა

  • მწვავე მკურნალობა: ადენოზინი და IC ჯგუფის წამლები დროებით წყვეტენ ტაქიკარდიას (დროებით იმიტომ, რომ ხშირად ეს ტაქიკარდია მალე ისევ იწყება)

  •  რადიკალური მკურნალობა: დამატებითი გზის აბლაცია მკურნალობის ერთადერთი რადიკალური და არჩევის მეთოდია.

ქვემოთ მოცემულია AV-შენაერთის პერმანენტული რეციპროკული ტაქიკარდიის ეკგ

 

©2018 by Giorgi Papiashvili. Proudly created with Wix.com