ატიპიური AV-კვანძოვანი რეენტრი ტაქიკარდია (AVNRT)

კლინიკური გამოვლინება

  • ეკგ-ზე რეგულარული ვიწროკომპლექსიანი ტაქიკარდია კარგად შესამჩნევი P კბილებით. RP ინტერვალი > PR ინტერვალზე. დამახასიათებელია უარყოფითი P კბილები II, III და aVF განხრებში

  •  ძირითადად პაროქსიზმული მიმდინარეობა აქვთ, თუმცა იშვიათად შეიძლება უწყვეტი(incessant) ტაქიკარდიის სახე მიიღონ


მექანიზმი

რეენტრის წრედი საპირისპიროა იმისა, რაც გვხვდება ტიპიური ავ-კვანძოვანი რეენტრის დროს. წრედის ანტეგრადულ მუხლს შეადგენს „სწრაფი“ გზა, ხოლო რეტროგრადულს - „ნელი“. ჩვეულებრივ, ეს ტაქიკარდია იწყება პარკუჭოვანი ექსტრასისტოლით, რომელიც რეტროგრადულად იბლოკება „სწრაფ“ გზაში, თუმცა გატარდება „ნელი“ გზით წინაგულებისკენ. შემდეგ იმპულსი ანტეგრადულად აღწევს „სწრაფ“ გზას და რთავს რეენტრის წრედს.


სიძნელეები

  • ძირითადი სირთულე დიფერენციული დიაგნოსტიკაა (იხ. ქვემოთ)


დიფერენციული დიაგნოსტიკა

  • წინაგულოვანი ტაქიკარდია ძგიდის ქვედა ნაწილიდან. კაროტიდული სინუსის მასაჟი იწვევს ავ-ბლოკადას, თუმცა არ წყვეტს ტაქიკარდიას, რაც ადასტურებს წინაგულოვანი ტაქიკარდიის დიაგნოზს.

  •  ორთოდრომული ტაქიკარდია, რომლის რეტროგრადული მუხლი წარმოადგენს დეკრემენტულ დამატებით გზას (კუმელის ტიპის ტაქიკარდია). ამ ტაქიკარდიას ახასიათებს გრძელი RP ინტერვალი და დამატებითი გზაც როგორც წესი პოსტეროსეპტალურ მიდამოში მდებარეობს, კორონარული სინუსის შესართავთან ახლოს. ზუსტი დიფერენციული დიაგნოზი მხოლოდ ელექტროფიზიოლოგიურ ლაბორატორიაშია შესაძლებელი.


მკურნალობა

  • შეტევის კუპირება: ვაგუსური მანევრები, ადენოზინი, ბეტა-ბლოკერები, ვერაპამილი

  •  რეციდივების პრევენცია: ბეტა-ბლოკერები, ვერაპამილი. უეფექტობის ან პაციენტის სურვილის შემთხვევაში „ნელი“ გზის კათეტერული აბლაცია.


ქვემოთ მოცემულია ატიპიური AV-კვანძოვანი რეენტრული ტაქიკარდიის ეკგ და დიაგნოსტიკური ალგორითმი

 
 

©2018 by Giorgi Papiashvili. Proudly created with Wix.com