სრული AV-ბლოკადა წინაგულთა ფიბრილაციის ფონზე

კლინიკური გამოვლინება

  • ეკგ-ზე წინაგულთა ფიბრილაცია ნელი რეგულარული პარკუჭოვანი რიტმით.

  • იმის მიხედვით, ჩანაცვლებითი რიტმი სუპრაჰისურია თუ ინფრაჰისური, QRS კომპლექსები შეიძლება იყოს როგორც ვიწრო, ისე ფართო.

  • პაციენტს როგორც წესი, აღენიშნება გულის უკმარისობის სურათი. სინკოპე უფრო ხშირია ინფრაჰისური ჩანაცვლებითი რიტმის შემთხვევაში


სიძნელეები

  • შექცევადი მიზეზების დიფერენცირება (ანტიარითმული წამლები, განსაკუთრებით დიგოქსინი, აგრეთვე ბეტა-ბლოკერები, კალციუმის ანტაგონისტები, ჰიპერკალემია) შეუქცევადი მიზეზებისგან.

  • ყოველთვის უნდა გამოირიცხოს დიგიტალისური ინტოქსიკაცია.


დიფერენციული დიაგნოსტიკა

  • კლინიკური დიაგნოსტიკა: რეგულარული პულსი ყოველთვის არ ნიშნავს, რომ აღდგა სინუსური რიტმი. ეკგ დაგვეხმარება ზუსტი დიაგნოზის დადგენაში.

  • ელექტროკარდიოგრაფიული დიაგნოსტიკა: ბლოკადის სხვა ტიპებისგან განასხვავებს ორგანიზებული წინაგულოვანი აქტივობის არარსებობა.


მკურნალობა

  • მწვავე მკურნალობა: პირველ რიგში, თუ ეს შესაძლებელია, საჭიროა შექცევადი მიზეზების კორექცია (ძირითადად ანტიარითმული წამლების). მკვეთრი ბრადიკარდიის დროს, როგორც ბლოკადის ნებისმიერი სხვა ტიპის შემთხვევაში, საჭიროა დროებითი სტიმულატორის ჩაყენება.

  • გრძელვადიანი მკურნალობა: მუდმივი პეისმეიკერის იმპლანტაცია

 

სრული AV-ბლოკადა წინაგულთა ფიბრილაციის ფონზე.

 

©2018 by Giorgi Papiashvili. Proudly created with Wix.com