ჰისის კონის მარჯვენა ფეხის ბლოკადა

სრული ბლოკადა: იმპულსი არ ტარდება ჰისის კონის მარჯვენა ფეხით

არასრული ბლოკადა: ჰისის კონის მარჯვენა ფეხით იმპულსის გატარება შენელებულია

ეკგ კრიტერიუმები

• QRS> 120 მწმ (გარდა არასრული ბლოკადის დროს)

• rSR’, rSr’, rsr’ ან RSR’ მორფოლოგია V1-V2 განხრებში

• qR მორფოლოგია V5-V6 განხრებში

• რეპოლარიზაციის მეორადი დარღვევები მარჯვენა პრეკორდიალურ განხრებში

• ელექტრული ღერძი ჩვეულებრივ, ნორმალურია

კლინიკური მნიშვნელობა

• ელექტრული ბლოკადის ყველაზე ხშირი ფორმაა ჯანმრთელ პირებში

• სტრუქტურული დაავადების არმქონე პირებში უნდა გამოვრიცხოთ ელექტროდების არასწორი პოზიცია, გულმკერდის დეფორმაცია (pectus excavatum) ან ნორმის ვარიანტი

• სტრუქტურული პათოლოგიის დროს ხშირად მარჯვენა პარკუჭის გადატვირთვას უკავშირდება, ამიტომ გამოსარიცხია:

• ფილტვების ქრონიკული ობსტრუქციული დაავადება (ახასიათებს ღერძის მკვეთრი მარჯვნივ გადახრა მარჯვენა პარკუჭის ჰიპერტროფიის გამო)

• ფილტვის არტერიის თრომბოემბოლია (განსაკუთრებით უეცრად დაწყებული ტკივილისა და ქოშინის დროს)

• პულმონური ჰიპერტენზია (მიტრალური სარქვლის დაავადება, გულის თანდაყოლილი პათოლოგია)

დიფერენციული დიაგნოსტიკა

• მარჯვენა პარკუჭის არითმოგენური დისპლაზია (კარდიოპათია) 

• ბრუგადას სინდრომი

• უკანა კედლის ინფარქტი

• პარკუჭთა პრეეგზიტაცია