ჰისის კონის მარცხენა ფეხის ბლოკადა

სრული ბლოკადა: იმპულსი არ ტარდება ჰისის კონის მარცხენა ფეხით

არასრული ბლოკადა: ჰისის კონის მარცხენა ფეხით იმპულსის გატარება შენელებულია

ეკგ კრიტერიუმები

• QRS> 120 მწმ (გარდა არასრული ბლოკადის დროს)

• rS, QS ან ღრმა S მარჯვენა პრეკორდიალურ განხრებში

• მაღალი, გაფართოებული R კბილი მარცხენა პრეკორდიულ, ასევე I და aVL განხრებში

• რეპოლარიზაციის მეორადი დარღვევები

• ელექტრული ღერძი ჩვეულებრივ ნორმალურია

• მარცხენა წინა ჰემიბლოკადა: ღერძის მკვეთრი მარცხნივ გადახრა (-60°-მდე)

• მარცხენა უკანა ჰემიბლოკადა: ღერძის მკვეთრი მარჯვნივ გადახრა (120°-150°-მდე)

კლინიკური მნიშვნელობა

როგორც წესი, უკავშირდება გულის სტრუქტურულ პათოლოგიას

• თუ თან ახლავს ტკივილი გულმკერდში, ყოველთვის ეჭვი მიიტანეთ მიოკარდიუმის მწვავე ინფარქტზე

• თუ თან ახლავს გონების დაბინდვის/სინკოპეს ეპიზოდები, ეჭვი მიიტანეთ გარდამავალ სრულ ატრიო-ვენტრიკულურ ბლოკადაზე

• თუ თან ახლავს გულის უკმარისობა: ჰისის კონის მარცხენა ფეხის ბლოკადა პარკუჭთა ასინქრონიის მაჩვენებელია და უნდა განვიხილოთ გულის რესინქრონიზაციული თერაპიის (ბივენტრიკულური პეისმეიკერის) შესაძლებლობა

დიფერენციული დიაგნოსტიკა

• სეპტალური ფიბროზი ან ნეკროზი (იწვევს QS ან Qr-ს V1-V2 განხრებში)

• პარკუჭთა პრეეგზიტაცია (მარჯვენამხრივი დამატებითი გზები იწვევენ QS კომპლექსებს მარჯვენა პრეკორდიალურ განხრებში)